):

هو هل فعلا الإنسان محتاج حد يفضفض معاه ويقوله على كل حاجة ...أسراره ...مشاكله؟؟؟

لازم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

):):):):):

سؤال صغير يحتاج إلى إجابة الكل

السلام عليكم ....أهلا بيكم تاني ...

التدوينة دي عبارة عن سؤال ... ياريت إلي يخش على المدونة ...يجاوب عليه بكل صدق ,,,

وبكل صراحة

أوك؟؟؟

موافقين؟؟؟

ماشي ....

السؤال هو ...

الحياة بالنسبة لك/لكي .....عبارة عن إيه .....؟؟؟؟

أو هي إيه بالنسبة ليك/ليكي؟؟؟؟

وشكرا

واحد تاني حبيته كتير ...

بعد موضوع ريمان ... فكرت أكتب عن كل إلي أثروا عليا وحبيتهم من أول ما داخلت التدوين ...

زي ما ريمان أثرت كتير ...برده في ناس تانية أثرت ...

من بينهم واحد كنت أعرفه من قبل التدوين ... كنت أعرفه معرفة سطحية ..كنا ساعات نلعب كورة مع بعض ..كنت بقابله في الشارع بسلم عليه ...

بس كدة ...

بس بعد ما دخلت التدوين ...وبعد ما روحت رابطة مدوني الدلتا ..قابلته هناك ..

ومن يوميها بدأت أتعرف عليه أكتر ...

بدأت أتكلم معاه كتير ..أخذت إميله ..وأخد إميلي ...وبقينا بنكلم بعض كتير ...

بقينا أصحاب يعني ...

كان يعجبني فيه كلامه ونقده ...وساعات برده ما يعجبنيش نقده ...):

كلامه حلو وجميل ...

حافظ القرآن كله ...

لعيب كورة ...

ـــــــــــــــــــــــــــــ

الشخص ده هادي ومشاغب في نفس الوقت ...

نشيط جدا جدا جدا ...بتلاقيه بيسافر هنا وهناك ...يكلم ده وده ..

ماشاء الله عليه يعني ...

ــــــــــــــــــــــ

الشخص ده بيزعل لزعلك ...وأنا حسيت بكدة أكتر من مرة ...

الشخص ده بيحب التمسك بفكرته جدا ...ويحب التمسك بمبدأه وإتجاهه ...

حريص جدا ...مش بيخاف من لا أمن دولة ولا أي حد ...

ــــــــــــــــــــــــ

الشخص ده مر بظروف كتير ...أدت إلي تغيير حياته ..للأحسن طبعا ...ودا إلي أنا حسيته منه ...

الشخص ده طيب القلب جدا جدا

وأنا حبيته علشان كدة ...

ـــــــــــــــ

الشخص ده أحب جدا إني أكتب عنه في مدونتي ...

الشخص ده مدون نشيط جدا ...

صاحب مدونة صوت الحرية ...

حسام يحيى

حسام ...تستاهل والله إني أكتب عنك وزيادة كمان ...

"أحب أقولك ...إمشي في الطريق إلي إنتا شايف فيه مصلحتك ...

وربنا يوفقك يارب في الثانوية ....

ويخليك تنول إلي إنتا عايزه ...

تحياتي لك ...

وتمنياتي لك بدوام التفوق والنجاح ...

أخوك : عبدالرحمن الشافعي"

كتبها...عبدالرحمن الشافعي

عودة إلي عالم التدوين مع شخصية حبيتها جدا

سلامو عليكم

وحشتوني جدا جدا جدا ...

إنقطاع تام دام أكثر من ثلاثة أشهر ...وها أنا اليوم بفضل الله أعود ,,,

أتأسف جدا جدا عن إنقطاعي ,,, لظروف قهرية ...

بس المهم إني أنا رجعت ...رجعت ومعايا حكاية شخصية من الشخصيات إلي فعلا عجبتني جدا جدا ..

وتستاهل إني أتكلم عنها ....

الشخصية إلي أنا رجعت معاها دي ...تكبرني كثيرا ,,,إلا أني أحببتها كثيرا ...أحببت فيها هدوؤها

أحببت فيها كلامها ...أحببت فيها رزانتها ...أحببت فيها عقلها الراجح ...

أحببت فيها صبرها على أي ظرف قابلها ...أحببت في هذه الشخصية قتالها المستميت ضد أي ظرف

في سبيل أن تعيش ...

هحكيلكم النهاردة عن ريمان ...صاحبة مدونة ملائكية ,,,

ــــــــــــــــــــ

هي شخصية رزينة ...هادئة ... بتحب الأماكن الهادئة ..ومش بتحب الأماكن المزدحمة ...

تحب البحر ...وبتحب الأطفال جدا ...

ريمان بتحب كل الناس ...كل الناس ,,,وبتحب الخير ليهم ... ودا عن تجربة شخصية

بحس جدا في ريمان...أنها إذا قابلتها أي ظرف من الظروف ...أو أي مشكلة من المشاكل ..

تظل هادئة ... ولا تتعصب أبدا ...عمري ما شوفتها متعصبة ...دائما تظل هادئة ورزينة ...

وتبحث عن حل هذه المشكلة في هدوء ...

ريمان ليها فضل كبير عليا قوي ..كانت دايما بتنصحني .,..

إذا قابلتني أي مشكلة ..كانت دائما بتسعى علشان تحلهالي

وكانت دايما بتسأل عليا لما بكون غايب

ودا سبب حبي لشخصيتها...

ريمان كريمة جدا ...وانا جربت هذا الكرم ...

ريمان بتحب تلعب كتير ... بتحب البلالين ... وزي ما أنا قولت بتحب الأطفال

أمنية حياتها إنها يكون عندها بيبي صغنون ...تربيه

دي كانت أمنية حياتها ...

أنا لو فضلت أتكلم عنها لبكرة ..مش هوفيها ...

فعلا ...هي شخصية من الشخصيات إلي دخلت قلبي كثيرا ...

وأعتبرها مثل أختي الكبيرة بالظبط ...

أنا كان نفسي يكون ليا أخت زيك كدة والله يا ريمان .. ..فعلا ..إنتي تستحقي إني أتكلم عنك وزيادة كمان

وربنا يوفقك لكل خير يارب ,,, ويجعل حياتك كلها نجاح وسعادة ..يارب العالمين ...

ــــــــــــــــــــــــــــــــــــــــــــــــــــ

أنا حبيت أكتب عن كل شخصية في عالم التدوين إلي عجبتني وحبيتها ...

وحبيت أبتدئ بمن هو أهم عندي ....

وحبيت برده أبعت لريمان كلمة صغيرة ...

شكرا ليكي ياريمان لكل حاجة إنتي عملتيهالي ...وكل نصيحة إنتي نصحتيها لي ..

شكرا ليكي جدا ياريمان ...شكرا ليكي جدا ...

والسلام عليكم ورحمة الله وبركاته ..

كتبها,,

عبدالرحمن الشافعي

كم إشتقت إليكي

كم إشتقت إليكي ...

*

*

*

*

*

*

يا مدونتي

فاصل ونواصل .....وآدينا واصلنا .

سلام الله عليكم ورحمته وبركاته

وحشووووووني جدا جدا جدا ...والله بجد وحشوني جدا ...

أنا والله اليومين دول مشغول جدا .....علشان كدة ما بدخلشي على المدونة ...ولا بخش على مدونات ,

أنا كان لازم كنت اكتب التدوينة دي ....علشان في ناس فعلا تسائلو ..أين أنت ....

معلش ..سا محوني ....

أنا عارف إن أنا مش هقدر أسيب التدوين خالص ...

أنا بس حبيت أطمنكم...

وبإذن الله التدوينة دي بس تمهيد لتدوينات تانية كتير .....

وشكرا كتير للناس إلي سألت عليا ...شكرا لأمواج وسمسم وفارس ومعاذ ..وميرا وشكرا لناس كتير

سألوا عليا

وبإذن الله مش هسيب التدوين خالص إلا لظروف قهرية ...

أخواني وأخواتي ....تحياتي لكم جميعا ....

وانتظروا قريبا تدوينات كثيرة وجميلة

تحياتي لكم ..

عبدالرحمن الشافعي

نقول إلى لقاء آخر ....وليس وداعا

السلام عليكم

إخواني أحبائي أعزائي ....فلذات أكبادي

إيه أخباركم

وحشتوني موت ....والمدونة وحشتني .....

والتعليقات وحشتني ....بس أعمل إيه ..الغربة بتعمل أكتر من كدة ...

"أقصد الغربة عن التدوين"

*********

أنا بنزل التدوينة دي ...علشان أقولكم على الحقيقة المرة ....

إني هسيب التدوين لحد ما الإمتحانات تخلص

واء واء واء

أعمل إيه

حكم القوي على الضعيف

********

أنا بإذن الله هبدأ إمتحانات يوم 29 /5

وهخلص يوم 4/6

يعني من يوم 5/6 ....وأنا هبدأ في التدوين من تاني ....

وبشكل جديد ..إنشاء الله

وهعمل بإذن الله تشطيب تاني للمدونة ...أثل الثراحة ....الصنايعي القديم كان وحش قوي

حطلي أسمنتة مغشوشة ...

"ما هو انا كنت الصنايعي ده"

وبإذن الله هبدأ التدوين بشكل تاني خالص ....

وبشكل أفضل بإذن الله ....

**********

بس أنا محتاج حاجة واحدة بسسسسسسسسسس

حاجة واحدة لا غير ...

حاجة واحدة ....بطلبها منكم ....من أخ صغير ...لأخواته الكبار

عاوزكم تدعولي .... ياريت تفتكروا وإنتم بتصلوا كدة الواد الغلبان إلي في تالتة إعدادي

إفتكروه ولو بدعوة واحدة بس ....

وإفتكروا ....داعاء الأخ لأخيه في ظهر الغيب مستجابة ....

وإنتم مش إخواتي .....خلاص ...إدعولي بقى ..

وبإذن الله بإذن الله هتكون مستجابة

ماشي ....؟؟

**********

يلا .. أنا بقى هقوم أمشي .....

علشان شكلي هيحصلي زي الصور إلي فاتت دي ..

هههههههه

وما تنسوش ....إدعولي جاااااااامد ....

وأنا برده هدعيلكم ...

أه صحيح .......

إني أحبكم في الله

ودا إهداء مني إليكم

وفي النهاية ...أقول إلى لقاء آخر ....ولا أقول وداعا

وإلى أن نلتقي

أخوكم ....

عبدالرحمن الشافعي

العزوبية ...وعشر حاجت عني ..يالهوييييي ....

السلام عليك

أحبائي أعزائي فلذات أكبادي .....

أصدقائي في كل مكان .....أول حاجة بس قبل ما أكتب التدوينة ...عاوز

أعبر عن سعادتي ...وفرحي ....وأقولها بكل فخر ....
أنا من مدوني رابطة الدلتا
فالله يشهد إني لأحبكم في الله ...

وأحب أيضا كل مدون يزور مدونتي ...

إني أحبكم جميعا في الله

******

نبدأ بقى في التدوينة ....

أنا إتدبست في تاجين ...الإثنين أصعب من بعض ...

الأول من قلب أبيض

والثاني من الدكتورة جهاد ....مدونة صمود ..

نبدأ في الأسهل ....

*********

ما رأيك فى الجملة التى تقول ...العزوبية تاج على رؤوس العزاب لا يراه الا المتزوجين ؟؟؟

أولا رأيي في الجملة دي إنها جملة خبيييييييييثة جدا .....لأنه أولا يحرف مثل جميل ....وثايا لأنه يزرع فكرة

غير جيدة في نفوس الشباب ....

ما هى العوائق من وجهة نظرك التى تحول بين الشباب والزواج هذه الايام ؟؟؟

من رأيي إنها ..أولا ....التعليم ...أهل العروس أول شيء سيسألوا عليه ...

"إنتا بتشتغل إيه أوفي كلية إيه "

ثانيا ...المال ...عدم توفر المال وعم توفر ثمن الشبكة والجهاز وخلافه .....

من وجهة نظرك هل النكد موجود فى العزوبيه ام فى الزواج ؟ ولماذا ؟

يا أستاذ أحمد ...إلي عايز ينكد على نفسه في أي سن ...هينكد على نفسه ....

يعني النكد موجود في كل حتة ..بس الشطارة إنك تقلب النكد ...فرح ... فا النكد حاليا موجود في كل حتة

ما الحل من وجهة نظرك لمشكلة (( العزوبية )) فى مصر ؟؟

أولا ...أول حاجة ...يهتموا بالتعليم .. ويهتموا بالتربية ...قبل التعليم ...

يزيدوا المرتبات ... بس ..دا إلي في دماغي

من وجهة نظرك ....هل للعزوبية مميزات وعيوب ؟

أنا أرى ان العزوبية ...كلها عيوب ....علشان أصلا الجواز ..نصف شطر الدين ....

عندما جاء ثلاثة صحابتة ...يريدون رأية عبادة الرسول صلى الله عليه وسلم ...قال أحدهم إني لن أتزوج النساء ..

فقال صلى الله عليه وسلم ..إني لأصوم وأفطر ..وأنام وأقيم الليل ...واتزوج النساء

أخيرا ....لمن تمرر هذا التاج ...على الأقل خمسة ؟؟؟

النجمة الصامدة

مشمش

دكتور حر

صاحب المضيفة

فرنسا هانم

كفاية كدة ...علشان التاج إلي بعده ....صععععععععععععععععععب

ربنا يعينا

*********

التاج عبارة عن سؤال واحد فقط ..هو سؤال سهل ...ولكن صعوبته في سهولته ....

سنرى الآن

أكتب عشر حجات عن نفسك .

(1)

أنا العبد لله عبدالرحمن الشافعي ...."مش ياسين " ....مسلم بالفطرة ....أعبد الله ...ولا أشرك به شيئا ...

(2)

أحب 5 أشياء في الهامش"أي غير الأب والأم وربنا" ....

التدوين ...الكورة ....القراءة ..النت ...والخامسة الإندومي ...

(3)

لا أحب الفشل واليأس أبدا ...أطردهم من رأسي دائما ....وعندي مبدأ إتخذته من مدونة أنا محظورة ...

"من لا يخطئ ... لا يحاول ومن لا يحاول ... لا يتقدم ومن لا يتقدم ... لا ينجح"

أتخذه مبدأ لي

(4)

بحترم أي شخص قدامي ....حتى ولو كان بواب ....أقف معاه وأكلمه وأتناقش معاه ....

وبحب المناقشات الساخنة .. السلمية ...وأحب أتفاعل مع أي شيء يخدم مصلحة الدين ...

أو يخدم مصلحة البلد ..

(5)

ساعات بنجز أعمالي بنفسي ....يعني ساعات بحضر العشا ...وساعات بحضر الفطار ...

وفي وقت الشدة الشدة ...بقوم وبغسل المواعين ...

"يعني انا أنفع في أي حاجة ....لعيب كورة ...ومدون ...وربة منزل"

(6)

أنا حايا في تالتة إعدادي ...شهادة ....وعندي 15 سنة .... من المنصورة ....

وأعزب ..وعندي أما وصابر ....

ههههههههههه

(7)

عاوز أخدم بلدي ...عاوز أعمل حاجة في دنيتي دي ....عاوز أخدم الإسلام ...عاوز أقدم حاجة للبشرية

عاوز عاوز ....طموحاتي كتييييييييييرة ....بس مش عارف أحققها ....زي ما قالت الدكتورة ..

كل واحد محتاج تركيز ..ويكون رزين شوية ...وهو يحقق كل إلي في نفسه

(8)

بحب أنصح إلي بيغلط قدامي ....مابسيبهوش يعوم على الغلطة لوحده ...

مش بسيبه إلا لما أنصحه... وبقعد معاه أصلح الغلط إلي عمله ...

ودا علشان بحترم كل شخص أمامي ...حتى ولو كان مذنب

(9)

أنا عندي إمتحانات كمان شهر وأسبوع ....

(10)

أخوكم محتاج دعواتكم ... بجد بجد محتاج دعواتكم ...وكل واحد يدعي بنية صافية ...

ولو كنت زعلت أي حد فيكم ...ما يزعلشي مني أبدا ....

بيكون غصبن عني ....فاسامحوني عن أي غلط أو أي أسف سببته لحد فيكم ...

علشان تدعوا بنفس صافية.....:D

هتمرر التاج دا لمين ؟؟؟؟

أولهم ....

أنا محظورة

جيم أوفر ..محمد مارو

لا وألف لا

إمرأة بعقل رجل

حلم فتاة مصرية

والأخير ...الحبيب ...عمرو سلامة ..لسة عايش

إخواني ....

أنا فعلا في أمس الحاجة للدعاء .. إدعولي كتييير ....

وإلي يدعيلي ...هبقى أدعيله دعوة حلوة ..بس بعد ما يدعي في التعليق ويورينا نفسه

هههه

يلا ..أسأذنكم ...

السلام عليكم

أخ

كنت هنسى .....

إني أحبكم في الله

حدث في مثل هذا اليوم ....

السلام عليكم

تحديث .....: أنا كنت هنزل الموضوع ده يوم الثلاثاء يوم الخميس ...ولكن لظروف معينة ...لم أقدر على تنزيل


الموضوع في هذا اليوم .....

تحديث آخر .: نسيت أشكر أعضاء منتدى شبابا عربي ....علشان هم عملولي حفلة كبييييييرة عندهم .....

انا بس حبيت أشكرهم ..هو الصراحة ..المنتدى ده من أحسن المنتديات إلي دخلتها ..ويكاد يكون أفضلهم ..اللينك أهو... http://www.shbabaraby.com/vb/index.php

فا أعذروني .....أترككم مع الموضوع

عاملين إيه ....

وحشتوني ..كل مرة كدة ...أكتب وأمشي ...وبرده بتوحشوني كتييير ....

بس والله المذاكرة بقى ..إنتم عارفين إن أنا في تالتة إعدادي ..ولازم أذاكر كويس علشان دي شهادة برده ..

المهم ..أنا النهاردة جاي ومعايا موضوع حلو قوي ....

زي النهاردة كدة في سنة 1911...إتولد الشيخ الكبير محمد متولي الشعرلوي ...

وبرده بعدها بسنة ....غرقت سفينة تيتانك المشهووووووووورة

وفي سنة 1865 أغتيل الرئيس الأمريكي إبراهام لينكولن ........

وإتولد برده زي النهاردة كدة في سنة 1452 الفنان الإيطالي ليوناردو دافنشي الرسام المشهور ...

كل ده كان في تاريخ 15 /4

وبرده في تاريخ 15 /4 إتولد واحد ....الواحد ده يبقى أنا

أنا يا جماعة يوم ميلادي النهاردة .....

شوفتوا بقى ....أنا إتولدت في يوم تاريخي ..إتولد في الشيخ الشعراوي ...ومات فيه الرئيس الأمريكي ..

يلا ..واحد واحد كدة يا حلوين ....يجيلي ..ومعاه ....هدية .....يلا ...

وأنا بدوري جبتلكم التورتة دي ....

يلا.

كل واحد ياخد حتة ... ...

يووووه ..إنتا يا أخينا إلي في آخر السفرة .....ماتوسخشي التربيزة

.....

يووووه ..إيه إلي خلاني أعمل الحفلة دي .....

يلا ..

ما أنا هاخد هدايا ...

هههههه

تحياتي لكم ....

أخوكم الصغير .."مش الصغير قوي " :عبدالرحمن ياسين

عندنا باب .....

كانت هناك حجرة صغيرة فوق أسطح احد المنازل ....عاشت فيها أرملة فقيرة مع طفلها الصغير حياة متواضعة

في ظروف صعبة .....لكن أكثر ما يزعج الام هو سقوط الامطار في فصل الشتاء....فالغرفة عبارة عن اربعة جدران ..

وبها با خشبي...غير انه ليس لها سقف ....وكان قد مر على الطفل أربعة سنوات منذ ولادته

لم تتعرض فيها المدينة خلالها إلا لزخات قليلة وضعيفة ......

إلا أنه في ذات يوم تجمعت الغيوم وامتلأت سماء المدينة بالسحب الداكنة.....ومع ساعات الليل الأولى ....

هطل المطر بغزارة ...فاحتمى الجميع في منازلهم ..أما الأرملة والطفل فكطان عليهم مواجهة موقف عسير....

نظر الطفل إلى أمه نظرة حائرة ...واندس في أحضانها .......لكن جسد الام مع ثيابها كان غارقا في البلل ...

أسرعت الأم إلى باب الغرفة ...فخلعته ووضعتهخ مائلا على أحد الجدران ......وخبأت طفلها خلف الباب ...لتحجب عنه سيل المطر المنهمر بغزارة ......

فنظر الطفل إلى أمه في سعادة ....بريئة ....وقد علت على وجهه إبتسامة الرضا .وقالف لأمه ...

"ماذا يا ترى يفعل الناس الفقراء الذين ليس عندهم باب حين يسقط المطر..؟؟؟؟

نعم ......ما اجمل الرضا .....

منقووووووووووووووووووول

من طلب العلا ..نام الليالي

السلام عليكم ....
إزيكم ...وحشتوووووني قوي قوي......
أنا فعلا تقلان عليكم ......
صح ..إعترفوا.....
أنا بس عاوز اتأسف على الغربة الطويلة دي .....
حمدا لله على سلامتي...هه..
.المهم...

أكتر من واحد سألني ....."ليه مش بتروح المدرسة ؟؟؟؟"

أنا النهاردة هتكلم بصراحة ...هتكلم بإلي بشوفوا في المدرسة ....

يا إخواني المدرسة ما عادتشي مدرسة.....المدرسة أيام زمان ....كانت تعليم ...وأدب...وأخلاق...وحفظ للقرآن..

هي دي مدرسة أيام زمان ....

حاليا ....والحق يقال ....يجب ألا تسمى "مدرسة"...

أنا لما والدي عاوز يوديني المدرسة ....ليه ...؟؟مش علشان أتعلم ...؟؟

أتعلم الحاجة الصح .....مش الحاجة الغلط ......

في المدرسة ....المدرسين ....يقولوا ألفاظ ...بذيئة ...يرجع الطلاب بعدها ...يقولوها ....

دا تعليم للأخلاق؟؟؟؟؟

في المدرسة ....حصة القرآن ...أو ...حصة الدين ....ليست لها أهمية حاليا في المدارس...

في المدرسة .....المدرسين ...مافيش ضمير خالص ....عاوزين ياخدوا مرتبهم على الجاهز ..من غير تعب ولا وجع دماغ.....ومش كل المدرسين كدة ...بس أنا بعرض الوجه العام وإلي أنا شايفه حاليا في المدارس

في المدرسة ....الفصل يكون مكدس ....مليان على الآخر...ودا السببإلي بيخلي الطالب يكره مدرسته...

في المدرسة .....لا يهتموا بالحضور ولا الغياب ......ولا العقاب...

في المدرسة......الطلاب ....أخلاقهم ..ماشاء الله ....في العلالي ....وحشششششة...

وإزاي يطلع الطالب مؤدب ...وأستاذه أصلا ...قليل اللأدب...

إذا جئنا نعدد عيوب المدرسة المصراوية .....مش هنخلص.....

بجد ....مش هنخلص...

إنتوا عارفين إيه إلي كره الطالب في المدرسة ؟؟؟؟

هتعرفوا دلوقتي ......

بس
أنا عاوز أقول حاجة ..كلمة صغيرة ....للحكومة المصراوية ....

يا حكومتنا .... إذا كنتم عاوزين طلاب مؤدبين ...متعلمين ...متخلقين بأخلاق حميدة ....

فا دا مش بيجي إلا ....بمدرسة نظيفة ....ومدرس جيد ....ودا مش بيجي إلا لما

تكون وزارة التربية ولتعليم

كويسة

عندها شوية ضمير....ودا مش بيجي كدة عالساهل...لأ...لازم تكون هناك وزارة نظيفة ...مش نظيف..

لا لازم تكون نظيفة ..تتقي الله في عملها ...تخاف الله من كل صغيرة وكبيرة يفعلوها ....

ودا مش بيجي إلا عندما يكون الرئيس ..."مش هكمل"

إنتوا عارفين الباقي..

عرفتوا مين السبب إلي خلا الطالب يكره المدرسة؟؟؟؟؟..؟؟؟؟؟

أنتوا عارفين الإجابة أكيد....

أناكنت عاوز بس أكتب سبب كره الطالب للمدرسة ..,دا ماكنشي موضوعنا ...

ههههههه ..ماتخافوش...الموضوع مش هيطول...أنا هقول نظرية جميلة وسهلة ...

أنا حاليا زي ما إنتوا عارفين في تالتة إعدادي ......صح...

ومفيش أعمال سنة في تالتة إعدادي ...............صح...

يعني مافيش طلاب هيروحاو المدرسة في تالتة إعدادي......

وبالتالي مادام ما فيش طلاب بيروحوا خالص...يعني ..مافيش برده مدرسين هيروحوا المدرسة....

ومادام مافيش مدرسين هيروحوا المدرسة .....يعني ما فيش تعليم في تالتة إعدادي....

نظرية جميلة جدا جدا .....

وتحيا مصر

نداء وحداء...

إذا ذهبت إلى الشارع المصري ...وسألت أحد المارة عن ما يحدث في غزة...

خمن...هيقولك إيه....

بدل ما أنا أخمن قولت أجرب...روحت شارع كبير في المنصورة...

وسألت واحد شاب ماشي...قلتلو ..:لو سمحت ..ممكن كلمة...قالي إتفضل..

قولتلو ...حضرتك عارف إيه إلي بيحصل في غزة..؟؟؟؟

قام بصلي بصة غريبة تدل على إني مثلا ... واد بيستهبل عليه..بس لما شاف نظرتي ...

قال يجاوب أحسن...وياريته ما جاوب...

أنا فعلا إتصدمت...إتصدمت بمعنى الكلمة....

جاوب سعادته وسألني..."هو إنت من الإخوان؟؟؟؟"

أنا إتخضيت للسؤال ده...بس أدركت نفسي و قولتلو ..."وإيه إلي دخلهم في حديثنا دلوقتي..."

"كل ده وأنا ماعرفوش"

قام قال ... أصل هم إلي بيتابعوا الموضوع ..

سألتوا طب حضرتك مش عارف أي حاجة من إلي بيحصل في غزة...؟؟

قالي ؟..مممممم ..مش عارف ..بيقولوا"واخدين بالكم"إن في ناس بيموتوا...

قومت قولت في نفسي ..كفاية كدة علشان ما أتصدمشي كمان..

.......................

الذي يحصل صراحة من المصرييين ....والامبالاة التي في دمائهم ... شيئ يطرق له الجبين...

والشيئ الأفظع هم "حكومتنا"حطه إديها في مية ساقعة ولا كأن في حاجة خالص....

أنا حبيت أوصل الرسالة دي إلى كل شاب مسلم ..مش مصري بس..

إلى كل مسن مسلم ...إلى كل إمرأة مسلمة....

إلى كل مسلمي أوربا وأفريقا وأمريكا وآسيا ..

إلى كل بقاع الأرض التي تموج بالمسلمين

إلى كل عواصم العالم الإسلامي

................

"""(أيها المسلمون :يا من تمثلون مليارا ونصف مليار من تعداد العالم ، أيجوع إخوانكم وتشبعون ؟؟؟

إن هذا الشبع ذنب يعاقب الله عليه ،كان أسلافكم يفتحون الممالك ؛فافتحوا أنتم أيديكم . كانوا يرمون

أنفسهم في سبيل الله ...غير مكترثين؛فارموا أنتم في سبيل الحق الدنانير والدراهم ...

أيها المسلمون ..أيها المسلمون:ما كانت القبلة في الإسلام إلا لتعتاد الوجوه كلها أن تتحول إلى الجهة

الواحدة ...
وما كانت المآذن في الإسلام إلا ليعتاد المسلمون رفع صوت الحق ....
أيها المسلمون : كونوا هناك مع إخوانكم ،فكل ما يبذله المسلمون لفلسطين لع دلالات كتثيرة...
أقلها سياسة المقاومة..

ولو صام العالم الإسلامي كله يوما واحدا وبذل نفقات هذا اليوم الواحد لفلسطين لأغناها ..

لو صام المسلمون كلهم يوما واحدا لإعانة فلسطين ...

لقال النبي مفاخرا الأنبياء : هذه أمتي..هذه أمتي

لو صام المسلمون جميعا يوما واحدا لقال اليهود ما قاله آباؤهم من قبل

"إن فيها قوما جبارين "

أيها المسلمون:هذا موطن يزيد فيه معنى المال المبذول فبكون شيأ سماويا

كل قرش ..كل قرش ..يبذله المسلم لفلسطين يتكلم يوم القيامة فيقول...

يارب...يارب ...أنا إيمان فلان ..)"""

.......................

أقول في نهايتي حديثي ...يجب أن يتفاخر بنا الرسول أمام الأنبياء

يجب... فمدوا يد العون إلى فلسطين ...يمد الله يده إليكم وقت العسرة

أرجوا أنا يتقبل الله منا ومنكم أجمعين

وبإذن الله ستكون هناك سلسلة تدوينية بإسم ."بلا حدوود""

على المدونة

بإذن الله ستنال إعجابكم ...

وجزاكم الله عنا كل خير

تحياتي لكم

لا يخفى عليكم الاحداث التي تحدث في غزة ..من قتل وتشريد وإنقطاع للكهرباء والماء

ولا يخفى عليكم السكوت العربي لهذه الأحداث .....ولكن نحن لا يجب أن نسكت

يجب ان نشارك ولو بأقل شيء .....

وأنا الآن أهدي هذه القصيدة لطفلة ....طفلة فقدت أباها

فقدت أباها أثناء حصار غزة

أهديها إليها ...لعلها تخفف عنها مأساتها

***********

روحت أزوره يوما ...ولم ادري بخبر إستشهاده

..........

كنت امشي هناك مثقلا .....أجر خطوي في وصب

لكن قلبي في إشتياق ......كي يرى صديقه بعد الغياب

وهش قلبي ضاحكا....لما رأيت طفلته بالباب

*****

حين رأتني أسرعت خطوها

كالظبية الحسناء كالمها

تنظر لي بريبة وخشية تسأل عني أمها

ماذا يريد ذالك الغريب

هل يريد التحقيق خالها او عمها

وهل لدي بندقية مثل الذي صوبوا لنحرها

وهل سأطلق الرصاص إن لقيت صهرها

أو اكسر الأثاث والزجاج إن رجعت خالي اليدين مكرها

*********

لا تفرقي صيرتي فإنني ما جئت إلا سائلا عن صحبة الأصحاب

أين ابوك يا صغيرتي قولي له عبدالرحمن بالباب

لا تفرقي صغيرتي فإنني أحني عليك من مدامع السحاب

أحني عليك من بشائر الربيع إذ تزف عودة الحياة للتراب

*******

من انت ايها الغريب ...ماذا تبتغي سوى الشجن

لا خير أن تبقى هنا..إرحل فإن الضيف مؤتمن

المخبرون حول بيتنا معسكرون كالموت كالطاعون كالعفن

حلت بنا بأرضنا جحافل القرامطة

تجوس في الديار كالجراد كالسيول الهابطة

كان ابي يوما هنا ...لكنه قد راح من زمن

راح مع المغول حين جائت لمغول بالمحن

وحينما عاد لنا كانت عليه خرقة بيضاء

ويومها.......

عرفت ما هو الكفن

وإن امي منذ ذاك اليوم في حزن

تسائل النجوم عن أبي وتسأل الزمن

لكنها تقول لي لا تجزعي بنيتي ...إن اباك في نعيم

ما مات يا بنيتي أبوك إنما

تطل روحه هناك من خلف الغيوم

*********

أمي تقول إن والدي هناك عند الرابية

حيث زهور الأقحوان تملأ المكان كالعيون الحانية

وكم ذهبت في اليالي أزوره ...ألقي على دياره السلام

ولكنه ما رد لي يوما سلاما

إن كان والدي هناك يا غلهي كيف لا يرد لي سلام

وقد عهدته يهش لي ...يقول لي

بأن أجمل الزمان عنده حينما يرى على شفاهي الإبتسام

ساورني شك عظيم....

لكن قلبي قال لي ..أتسمعينه إذ يقرأ القرآن

بلى بلى!!.... والله هذا صوته فإنه يرتل القرآن

ما زلت ألتقي بثغره في قبلة الصباح

أزوره في كل صباح وأسمع القرآن حين يقرأ القرآن

******

إن أبي في نعيم

أمي تقول إنه يحيط بالأزهار بيتنا الجديد

ويزرع الحقول حتى تحفل الحقول بالحصيد

وروحه هناك من خلف الغيوم

تقول للجرا لن تدوم

*******

وهنا ...تنتهي قصة

قصة من خلف الغيوم

أقول في مطلعها.....

الظلـــــــــــــــــــم لـــــــــــــن يــــــــــــدوم

خلصت الإنتحارات....قصدي الإمتحانات..........

أنا يا جماااااعة

خلصت

هيه هيه هيه

أنا خلصت الإمتحانات......وأخذت الأجازة

أنا مش مصدق إن أنا أخذت الإمتحانات

قعدت أسبوعين

يااااااه

قعدت أفتكر نفسي وأنا قاعد بذاكر ومامتي تيجي تقولي يلا شاطر يا عبدالرحمن

ويعدوا يشجعوني ...يااااه

كانت أيام حلوة

هههههه

بس الاحمد لله

آدينا إمتحنا ....وآدينا وآدينا حلينا

والباقي على الله

المهم الواحد عمل إلي عليه..وذاكر

والله الموفق

......

بإذن الله ياجماعة هقولكم النتيجة من أول ما تنزل

حتى لو كانت وحشة

علشان أعلم نفسي....."الله المستعان"

بس غنتوا إدعولي إن ورقتي ما تروحشي عند مصحح كدة ولا كدة

إهىء إهىء إهىء

اه لو دا حصل ....أنا هنتحر

بس بإذن الله مش هيحصل

...........

أنا بإذن الله هرجع للتدوين مرة تاني وأحلى من كدة كمان

وإستنوا مني مفاجأة أنا وسعد وعبدالرحمن

أصحاب مدونة التوأمان

إستنوا .... قريبا في الأسواق....قصدي في التدوين

.............

وأريد ان أشكر كل من علقلي في التدوينة الأخيرة

ودعالي .....جزاكم الله كل خير

وجعل هذا بإذن الله في ميزان

هغيب عنكم يومين كدة ...علشان أنا بإذن الله هقضي الأجازة في القاهرة

وهرجع تاني بإذن الله قريب

تحياتي لكم

إني أحبكم في الله

.......مخنووووووووووووووق......

السلام عليكم

أنا تعباااااااااااااااااااااان

أول كلمة في التدوينة

تعبااااااااااااااااااااااااااااااان

اه.....تعبان.....مش تعبان منكم ....لا ...من المذاكرة

بعيد الشر عنكم

"مذاكرة"

يا جماعة أنا فعلا بدأت أتجنن

أرقبت أخش مستشفى المجانين

بس أعمل إيه بقى ..قدري

وأنا عارف إن انا تقلان على ناس كتييير

ومش بفتح الإميل ...ولا بدخل على مدونات

بس أعمل إيه ...انا في حرب

أنا متأخرفي المذاكرة...فا مفيش وقت أصلا أخش على مدونتي انا

فأتأسف كتيييير للمدونات إلي كتبت مواضيع و مدخلتش أعلق

فأنا بإذن الله ..هوقف التدوين لحد ما الإمتحانات تخلص

وهرجع بإذن الله تاني أحسن من الأول

علشان انا ناوي بإذن الله أرتب على المدرسة

حكم إن في مدرستنا ناس كتير شطرة...بس بإذن الله ..واوعدكم إن انا هرتب على المدرسة

بس أنا محتاج دعواتكم ....أنا في أمس الحاجة للدعاء

وياريت الواحد وهو بيصلي ....يفتكر الواد الغلبان .... الطيب إلي هو عبدالرحمن ...إلي بيجري على المذاكرة

ياريت يفتكرو بدعوتين حلوين من فمه الطيب ..لعل الله يستجيب لدعائه

أصل انا مهري نصايح......صبح :مذاكرة....بالليل:مذاكرة..

حتى وأنا نايم ...بحلم بالمذاكرة

إهىء إهىء إهىء

وفي النهاية اقول ..........

يارب ...يارب...يخليني أطلع الاول على المدرسة

وأجيب درجة ...ترفعني لفوق

يارب...يارب

تحياتي لكم

ولا تنسونا من صالح دعائكم

إني أحبكم في الله