السلام عليكم
إخواني أحبائي أعزائي ....فلذات أكبادي
إيه أخباركم
وحشتوني موت ....والمدونة وحشتني .....
والتعليقات وحشتني ....بس أعمل إيه ..الغربة بتعمل أكتر من كدة ...
"أقصد الغربة عن التدوين"
*********
أنا بنزل التدوينة دي ...علشان أقولكم على الحقيقة المرة ....
إني هسيب التدوين لحد ما الإمتحانات تخلص
واء واء واء
أعمل إيه
حكم القوي على الضعيف
********
أنا بإذن الله هبدأ إمتحانات يوم 29 /5
وهخلص يوم 4/6
يعني من يوم 5/6 ....وأنا هبدأ في التدوين من تاني ....
وبشكل جديد ..إنشاء الله
وهعمل بإذن الله تشطيب تاني للمدونة ...أثل الثراحة ....الصنايعي القديم كان وحش قوي
حطلي أسمنتة مغشوشة ...
"ما هو انا كنت الصنايعي ده"
وبإذن الله هبدأ التدوين بشكل تاني خالص ....
وبشكل أفضل بإذن الله ....
**********
بس أنا محتاج حاجة واحدة بسسسسسسسسسس
حاجة واحدة لا غير ...
حاجة واحدة ....بطلبها منكم ....من أخ صغير ...لأخواته الكبار
عاوزكم تدعولي .... ياريت تفتكروا وإنتم بتصلوا كدة الواد الغلبان إلي في تالتة إعدادي
إفتكروه ولو بدعوة واحدة بس ....
وإفتكروا ....داعاء الأخ لأخيه في ظهر الغيب مستجابة ....
وإنتم مش إخواتي .....خلاص ...إدعولي بقى ..
وبإذن الله بإذن الله هتكون مستجابة
ماشي ....؟؟
**********
يلا .. أنا بقى هقوم أمشي .....
علشان شكلي هيحصلي زي الصور إلي فاتت دي ..
هههههههه
وما تنسوش ....إدعولي جاااااااامد ....
وأنا برده هدعيلكم ...
أه صحيح .......
إني أحبكم في الله
ودا إهداء مني إليكم
وفي النهاية ...أقول إلى لقاء آخر ....ولا أقول وداعا
وإلى أن نلتقي
أخوكم ....
عبدالرحمن الشافعي
هناك 31 تعليقًا:
بسم الله
عبد الرحمن ربنا يوفقك يابطل
ومش هننساك من صالح دعائنا وابقه ادعيلنا احنا كمان
يارب نجح كل طالب علم ووفقك كل من رفع ايديه للسماء وقال يارب
ربنا يكرم الجميع ويفتحها علينا كلنا فتحا مبينا
اللهم امين وهو احنا عندنا مين غير ربنا
يلا ربنا معاك
تقبل تحياتى
جيلان
يالتفيق يا عبد الرحمن يا جامد ان شاء الله
ربنا يعيك
ويسهلك
ويوفقك
ان شاء الله
أخوك محمد
ربنا ينجحك ويوفقك اللهم امين
كان الله لك وسهل لك كل عسير
منتظرينك يا جميل
أزيك يا واد يا عبده يا أخونا يا صغنتوت ههههههههههه ولا بتزعل من كلمه صغنتوت ديه اوعى تزعل بهزر
على فكره مدونتك حلوه قوى وانت احلى ما فيها لأنى يوم عرفت مدونتك اتفاجئت بسنك بس اتبسطت جدا
شد حيلك كده عايزين مجموع كبير .. ماهو انت والى زيك هماالامل
أحنا خلاص راحت علينا
أتمنى ربنا يوفقك وينور بصرك وبصيرتك ويعينك على المذاكره ويبعد عن الشيطان
وترجعلنا بألف سلامه وتنورنا بموضوعاتك الجميله
تحياتى ليك
صحيح انا هضيفك عندى
انت جميل اوى وكل حاجه فيك جميله شخصيتك بينه من مدونتك وكمان اسم مدونتك انا مصرى وسنك صغير بس انت جميل فعلا دى او لمرة ادخل عندك
وتحاتى لك
ازيك يا عبدو..
ايه بس الصور دية دية بتدل على اليئس واحنا دايما بيكون عندنا امل وامل كبييييير بربنا..صح
ربنا يوفقك وتحقق طموحك وينور لك طريقك
لازم تكون على طول فاكر قول الرسول(من سلك طرييقا يلتمس به علما سهل الله له به طريقا الى الجنة )خلي ليك هدف امشي عليه دايما اسئل نفسك *ايه هدفي من الدراسه؟؟؟ولما تعرف ان ليك هدف هتمشي عشان تحققه وتحققه بامتياز في الاخر بقول نحن طلاب لا تهزنا الجبال الرواسي فكيف بورقة كتب عليها اجب على السؤال الاتي
ربنا يارب يوفق كل واحد عايز ينجح وعايز يرفع امته
امين ..امين
ارق تحياتي
س ا ر ه
(على فكره انا مش اول مره في التدوين يا عبده انا من زمان مدونتي اكيد عرفها مصر في خطر )
ربنا يوفقك ويوفقنا كلنا يا عبد الرحمن
ربنا معاك يااااااااارب
وعاوزين مجموع كبير
وتالته اعدادي مش صعبه اوي كدة يعني لدرجة الصور الفزيعه دي اللي انت حاططها
زكز وتذكر ان ربك لا يضيع أجر من أحسن عملا
ندعوكم لحضور حفل زفاف (ابن عمر) وذلك يوم الخميس 29/5/2008 فى قاعة الأفراح بنقابة التطبقين وذلك عقب صلاة العشاء
السلام عليكم
معلش يا ابني هي سنة الحياة كده
ربنا يوفقك ويحفظك و يعزك
و ان شاء الله هنفتكرك دايما في صالح دعائنا بظهر الغيب
و ان شاء الله المدونة تعمل شغل جامد .. جامد
ربنا معاااااااك
بس مش تحس ان جدول امتحاناتكم بيستهبل كده
في ناس غلبااااااااانة بدأت من 18|5
و هتخلص ان شاء الله
23 |6
عموما ربنا معاك و معانا جميعا يارب
تالته إعدادي وعاوزنا ندعي
أنا في تالته إعدادي
كنت بكسل أحل والله
..
ربنا يوفقك يا سيدي
..
ربنا يوفقك ويعينك
وعلى فكرة الكل بيقول تالتة سهلة بس محتاجة تركيز فى حل الاجابات
وبجد مدونتك حضرتك جميلة اوى
بس اول زيارة كدة تكون اخر مرة تكتب فيها قبل الامتحانات على العموم احنا مستنين
المركز الاول على الجمهورية وسمعت ان الجايزة لاب توب مش مننا طبعا من وزارة التربية والتعليم
ربنا يوفقك و يعينك على الامتحنات
و ان شاء الله ترجع لنا سليم من بعد الامتحنات.
و ان شاء الله تطلع الاول على المدرسة كمان
و احنا مستنينك مدوناتك الجميلة من تانى
بالنجاح ان شاء الله
فلبى معك
تحياتى
ربنا يوفقك يا اخى النهارده يوم 13 انت فين
فينك يا بنى
قلقتنى عليك
كل ده فين
وحشتنا اوى يا بيدو
رحالة
جزاكي الله خيرا على تعليقك ...
وشكرا على سؤالك ......
تحياتي لكي ...
دكتور حر ....
جزاك الله كل خير على السؤال والدعاء ..
تقبل نحياتي ..
المستنصر بالله ....
الحمد لله نجحت ....
نورت المدونة
صاحب المضيفة ....
شكرا ليك ...
وشكرا على مرورك ودعائك ليا
جزاك الله خيرا
z!zOoOo
شكرا ليك على دعائك ..
وشكرا ليك أ يضا على مرورك عندي وتعليقك ...
تيقبل خالص تحياتي ...
رامى اشرف
شكرا ليك على مجاملتك ليا ..
وانا سعيد جدا علشان حضرتك دخلت عندي في المدونة ...
جزاك الله خيرا ..
تحياتي لك..ز
عبدالهادى_سارة
شكرا على مرورك سارة ....
انا عارف إنك مش أول مرة في التدورن ..وعارف مدونتك وعارف عبدالهادي ...حبيبي ...
شكرا على مرورك ...
تحياتي لكي ....
Yasmina
نورتي المدونة ...
وشكرا على مرورك ..ودخولك عندي ...
وشكرا برده على سؤالك عليا ..
تقبلي تحياتي
Nour-Gedeed
شكرا ليكي جدا يا نور يا جديد ...
وشكرا ليكي برده علشان دعائك ليا ..
جزاكي الله كل خير .....
وربنا يوفقك في إمتحاناتك يارب ....
تحياتي لكي ...
other_things
بذمتك يابلال مش إنتا مثبط للهمم ..
هههه
ماشي
مقبولة ..
وتشكر يا سيدي
بنت الحرية
جزاكي الله خيرا على مرورك عندي ...
وهو صحيح الوزارة بتدي حاجة ..
لما نشوف ..
ههه
شكرا لمرورك ...
تقبلي تحياتي ...
القطقوطة الصغيرة
إزيك يا قطقطة ياصغيرة ..
عاملة إيه ...
يارب تكوني كويسة ...
شكرا لمرورك ..
تقبلي تحياتي
كلام على بلاطة
الله يخليك يارب ...
والمدونة نورت بوجودك ...
تحياتي لك
semsem
أنا هنا أهو يا سمسم ..
أنا كويس الحمد لله
وإنتم والله كلكم على بعضكم كدة وحشتوني ..وإنتي أكتر والله يا سمسم ..
تقبلي تحياتي
إرسال تعليق