حفلة الحي ...

السلام عليكم

رجعت تاني بموضوع كان نفسي أنزله من زمان

.ألا وهو ... إعداد الحفلة بتاعة الحي بتاعتنا ...

كان الإعداد صعب جدا جدا ...لدرجة إننا ما كناش بنام خالص ...يدوب ساعة ساعتين في اليوم بس

...بس الحمد لله ..الحفلة في الآخر طلعت حلوة وجميلة جدا ,,,

كنت أنا وشوية زملا ...عملنا إسكتش في الحفلة ,,,الإسكتش ده عبارة عن أول مشهد من مسرحية ولاد الأبلسة ,,, وإلي ما يعرفشي المسرحية دي ...أقوله إن مسرحية ولاد الأبلسة دي أفضل عمل مسرحي عملته جامعة المنصورة ....

والمسرحية دي إتعادت 9 مرات بعد كدة ...المهم..عملنا أول مشهد منها فقط ...

ودي بعض صور إعداد للإسكتش المرهق...

فترة الإعداد "قبل الحفلة بيومين فقط"

طبعا كان لازم يكون فيه شوية دلع ,,,,أنا وواحد من اعز أصدقائي ...عشنا في الدور شوية:D دا أنا ...لما كنت في البروفة طبعا أظنكم فهمتم من شكلي ..إن إحنا كنا بنمثل دور شياطيين

طبعا أخوكم كان هو المسؤول عن الملابس ...فا غشتغلت بتاع كوافير

كنا بنراجع النص ,,,النص كان طويل ..وما كانشي في وقت

في نهاية اليوم كنا خلاص ..متنا "دا أنا" بعض المشاهد من الإسكتش في الحفل

شيطان شيطان ..مش هزار ولا لعب عيال:D

طبعا أخوكم كان مولعها :D

أحلى حاجة في يوم الحفلة ..هو الوقت إلي بيكون بعد الحفلة

أصدقائي الحبايب

كنا مفتقدين شخص واحد فقط في اليوم ده ,,,ولكنه للأسف مسافر للسعودية ..

وبنا يرجعه بالسلامة يارب

كنت بحاول أطول شوية ,,,,"مع إني مش ناااقص " :)

واليوم إنتهى الحمد لله على خير .. والحفلة بحمد الله وفضله ومنه علينا ..نجحت نجاح جميل جدا

وبإذن الله السنين إلي جاية هنعمل حفلات أحسن وأحسن بإذن الله ,,,

دعواتكم ليا ..علشان أنا مطحووووووووون في تانية ثانوي ...

مطحون في الدروس وضغط من البيت ومن الأستاذة .إدعولي كتييييييييير ...

تحياتي لكم أحبتي ...والسلام عليكم ورحمة الله وبركاته,,,

أخوكم ,,,,,,,

عبدالرحمن الشافعي

خبطة فرح ....اه يا عيني

السلام عليكم

وحشتوووووني كتيييييييييييييييييييير

وحشتونيييي كتيييييييييييييييييير

ايوة والله

حشتوني ....

كان نفسي من زمان أخش وأكتب موضوع عدل ,,, بس كل ما أفكر أكتب
يحصلي ظرف
يا إما أسافر

يا إما أتعور "بشد حرف الواو"
يا إما يجي فرح أختي
وأنا النهاردة الصراحة جاي أتكلم على فرح أختي ...

فرح أختي يا جماعة كان يوم الجمعة 17 /7

هتقولوا طب هو عدا إسبوع ليه ما كاتبتش ...

أحب أقول للناس إلي ما كانوش أصحاب فرح أحب أقولهم إلي ما يعرفهوش
إن أصحاب الفرح بيطلع عينهم ,,. ويطلع عين أهليهم.. علشان ينضفوا البيت بعد الفرح ....

وإنتوا عارفين طبعا العيلة كلها بتتلم في بتنا ...وطبعا بعد ما يمشوا لازم ننضف,,,,,,,,,,
بعد ما البنت الصغيورة بنت العم الفلاني وقعت الشيكولاته...بعد ما كل فطار كل عيٌل يوقعله حبة حلوين من الأكل وينتورهم ....وبعد ما إتكسر كام كباية قزاز الصلاة عالنبي...وإلي وقع على الأرض ...إشي بزر بطيخ ..وإشي لبان لازق على الأرض ..وإشي شيكولاته ..وإشي حنًة ...وإشي ",,,,,,,,,,,,,,," ...وفي الأآآآآآخر ..طلع عيني أنا وأختي

طبعا أنا مش هحكي عن نفسي ... مش هحكي إني إتبهدلت وإتوسخت وإتمليت تراب لحد ما قولت حرمت أكون صاحب فرح ,,,,لالالا ..أنا مش هحكي عن البهدلة بعد الفرح ..أنا هحكي عن الفرح ,,,,

طبعا الفرح كان أكثر من رائع الحمد لله ...طبعا ما فيش فرح بيكون كامل...

لازم يكون في مشاكل ..ونقص في الحاجة الساقعة ..ونقص في الجاتوه " عقبال أملتكم"

إلي غاظني في الليلة دي كلها ..الستات ..الحرييييييييييييييييييم وما ادراكم ما الحريم ,,,

طبعا الفرح ما كانشي مختلط .. كان الحريم لوحدهم والرجالة لوحدهم ....

فا كان كل ما نطلع الساقع للستات ...يبعتوا ويقولوا لسة فيه ناس ما أخادتشي ,,,كل ما نطلع كمان ..يقولوا لسة ,,,
غاظوني غيظ ...

الحمد لله في النهاية الفرح عدا على خير ...وكل واحد راح لحاله ..

على فكرة ,,,

أنا أسعد لحظات حياتي إني أكون متلم في جو العيلة ...يعني أعمامي وعماتي وأخوالي وكدة يعني ,..وبزعل قوي لما يمشوا ...وأهو ..آديهم مشوا ...

وسابوني أنا وأختي الصغيرة وأبويا وأمي ...بين أربع حيطان ,,,

يعني بعد ما كان البيت مليان وفرحانين ومزقطتين...فجأة ..الكل يسيبنا ..أعمامي ..وعماتي ...وجدتي ...

وفوق دا كله ...أختي ...

الطريف إلي حصل ...

إن في يوم صباحية أختي ...وإحنا عندها ....

عيني إتفتحت

إتعورت ...إتخبط في مسند كرسي الأنتريه ...

أنا بحمد ربنا إن الواوة ..ما كانتشي قبل الفرح ..كانت بعده ,,,D:

بس الحمد لله على كل حال ,,,

وإليكم بعض الصور

الصورة الوحيدة إلي ليا في وسط الفرح

يوم الصباحية ...قبل الخبطة..يا عيني كنت بعينين..

بعد ما إتخبطت ,,,مستني غرفة العمليات تجهز

وأنا بين أيدي الجراحين ...يارب سترك

حطينا البلاستر ده حتى إلى إشعار آخر ...لحد ما أروح المستشفى

مستني الجماعة يمشوا...بس الحمد لله..عدت المآساة على خير

وبكدة تخلص الحدوتة الحلوة ...وتخلص الواوا الوحشة ,,,

تحياتي لكم

عبدالرحمن الشافعي

وإتغيرت....

السلام عليكم

أنا النهاردة جاي مش علشان اكتب موضوع ....

انا جاي أفضفض معاكم شوية ...

أنا فعلا كنت عايز حد افضفض معاه ...والحد ده بعيد عني ..

فا مالقتشي احسن من مدونتي ,,,

انا طبعا يجيلي يجي 3 شهور ما كتبتش في المدونة

في الوقت ده ...حصلي حجات كتير جدا ....ومواقف كتير...غيرت حجات كيتر قوي في حياتي

في منها غير حياتي للأحسن ..

وفي منها غيرها للأوحش ..

وعلشان ما اكنشي كذاب ....

معظمها إتغير للأوحش ,,,

كم موقف مريت بيه ...

زي اي حد عنده 15 سنة وفي اولى ثانوي ...

كنت بغلط ...

بس مشكلتي إني بغلط ...وعارف تمام المعرفة إن إلي بعلمه ده غلط ...

الصراحة قبل كدة كنت بخاف اعمل حاجة غلط ....علشان ربنا شايفني ,,,,

اما دلوقتي ..حصلي تغير ...

بقيت بخاف اعمل حاجة غلط .علشان الناس شايفاني ,,,

علشان أصحاب والدي ممكن يشوفوني ...علشان أصحابي ...

انا عارف إن دي حاجة مش كويسة خالص ,,,,

بس حاليا بحاول إني ما أعملشي الحاجة الغلط علشان ربنا شايفني ..

انا إتغيرت أوي يا جماعة ,,,

مع تيغر ي ده ...برده الناس شايفاني كويس ,,,

مع غني بعمل الغلط ..

برده الناس تقول عليا إنتا إن شاء الله هتكون حاجة كيوسة .. إنتا هتكون ناجح ..زوهكذا ,,,

مع إني للأسف ...

حاسس إني فاشل ,,,,

انا قبل كدة من سنة سنتين من أول ما جيت مصر ....

كنت بذاكر علشان أجيب مجموع ..

وكنت الحمد لله بجيب مجاميع ..

اما دلوقتي أنا بذاكر ..بس علشان أعرف أنجح,,,

وكم حاجة برده غير دي ,,,,

وانا مستغرب جدا ..

في ناس عارفة إني بعمل حاجة غلط ..

وبرده بيقولوا إنتا ذكي ..إنتا هتبقى حاجة كبيرة ..غنتي ذكي وهتعرف تتصرف ....

ليه .

انا ما عنتش فاهم .

يا جماعة ...

أنا بقول الكلام ده هنا ..في المدونة ..بل في الإنتر نت كله ....

علشا انا فعلا نت بخدع نفسي ..

وبرده كنت بخدع ناس معايا ..

انا آسف علشان انا خدعت ناس كتير ...

وياريت يسامحوني ,,,

وبإذن الله هرجع تاني زي الأول ..واحسن كمان ,,,,

اخوكم الصغير ,,,,

عبدالرحمن الشافعي