إخواني في الله
طبتم وطاب ممشاكم وتبوأتم من الجنة منزلا
تحيات معطرة لكم
*******
بعد مؤتمر أنابوليس ..وبعد انا باع العرب فلسطين
وبعد أنا باع حكام العرب أرض المسرى
كان حال أمتنا في موقف محرج
في كل الأماكن
في لبنان ..والعراق..والتعليم في مصر
وفي فلسطين..
وسيظل هكذا لو إستمررنا في هذه المهزلة في أمريكا ..في أنابوليس
سيظل هكذا لو إستمر حكام العرب في مهزلتهم
وهرولتهم إلى مؤتمر أنا بوليس..بهذا الشكل لن ينصلح حال أمتنا
وده إلي هنتناوله في نشرتنا إلي جاية
النشرة دي غريبة بعض الشيئ....
دا تداخل بين ثلاث محطات
نشرة أخبار.....وتقرير من السوق....وحلقة من برنامج المطبخ
النشرة دي بتبين مدى فساد أمتنا..ومدى الإستهتار الذي يسودها
ركزوا شوية....العملية دي صعبة شوية
وحاولوا توصلوا بين الكلام البني والأحمر والبنفسجي
ورا بعض على طول
وإنتوا هتفهموا المعنى إنشاء الله
وبإذن الله المعنى هيوصل
وبينا يلا على برنامج تداخل الإذاعات
*******
سيداتي آنساتي سادتي،إليكم فشرة أخبار الساعة التاسعة بعد منتصف الليل
من قناة الفضيحة
_ضرب الجيش الإسرائيلي مطار بيروت بالصواريخ...وعلى صعيد المواجهات في جنوب لبنان....إستطاعت المقاومة الإسلامية أن تدمر بارجة إسرائيلية قبالة السواحل اللبنانية.
_وعلى صعيد آخر دعت الجامعة العربية إلى قمة عربية طارئة تعقد في.......
_المشمش..الكيلو بجنيه..يابلاش..قرب ودوق ومتقولشي لا......
_على المقترح الأمريكي بتمديد الحرب لمدة أسبوعين...وفي سياق متصل قال الناطق باسم الجيش الإسرائيلي أنا الجيش.......
_متقطع ومفروف ومتشفي ....وبعد كده تحطيهم في حلة الضغط لمدة ساعة..خدي بالك أوعي تنسي البهارات...لأن البهارات هي إلي بتدي طعم لـــــ......
المؤامرة الصهيوأمريكية في الشرق الأوسط..وكانت وزيرة الخارجية الأمريكية ومساعدها لشؤون الشرق الأوسطقد بدءا زيارة مفاجئة للمنطقة تهدف لدفع.........
_عربية الخيار..أي حاجة على عربية الخيار بنص جنيه...عندنا كل أنواع الخيار...
خيار بلدي ..وخيار صوب..وخيار..........
_السلام الإستراتيجي...الذي عبر عنه السيد الوزير أنه قد إنهار تماما
وعلى صعيد اخر قام وزير التربية والتعليم بزيارة مفاجئة لبعض المدارس الثانوية....وقد صرح سيادته في مؤتمر صحفي أن سياسة التعليم أصبحت .........._مجنونة ياقوطة...مجنونة ياطماطم ...عاوز تدوق طماطم سكر....قررررررررررب ودووووووووق
تعالى يا أستاذ ..خد كيس يا عم الحاج وحط..........
سيادته والوفد المرافق له
وارميهم في الزبالة...دايما حافظي على نظافة مطبخك..والبواقي دايما إتخلصي منها!!..
عايز أقولك حاجة مهمة ..لو عاوزة طبيخك يبقى مية المية...دايما خدي بالك من الملح ..ودايما المرقة تكريها...بيتهيألي إن إحنا نسينا حلة الطغط...أنا حاسس إن الطبخة كدة إستوت،وباقت جهزة......
لكي تفرض على مجلس الأمن ..وعلى صعيد اخر كشف الموقف البطولي للسيد نصرالله أنا موقف باقي جيرانه....
ريان يا فجل...أخضر يا جرجير...حد يعبر حد يدوق...يا ناس يا هوووو..حمار وحلاوة يا بطيخ..على السكينة يا حجة على السكينة يا ست..يابلاش يا بطيخ..مين أرخص من.............
دول الطوق التي رفضت القيام بأي مساعدات..كما أكد مسؤول كبير أنا الحصار الذي يفرضه العالم على الشعب الفلسطيني هو الإنتخاب الحر للحكومة التي جائت عن إرادة الشعب الفلسطيني ولم تأتي عن طريق...
القرع والكوسة والبتنجان..ياسلام عليهم لما يتعملوا صنية في الفرن وباللحمة المفرومة كمان..وإنسي بعد كدة......
حرية الرأي...والتي يكفلها القانون للمواطنين المصريين.....
السادة المشاهدين..قدمنا لكم....
أحدث الطبخات
من السوق
والسلام عليكم ..ورحمة الله...وبركاته
مع تحيات قناة"الفضيحة"
.................
هناك 20 تعليقًا:
السلام عليكم
أرجو أن تنال إعجابكم
بس إلي مش فاهم الموضوع يقول وأنا
بإذن الله هوضحها أكتر
أو حتى أوضحها بالصوت بس دا هياخد وقت
بس أوعدكم
إني هعملها بإذن الله
دعواتكم لي بالمذاكرة
وبالله التوفيق
ليه الشرف انى اكون تانى تعليق بعدك يا جميل
********
نعلق بقي
دا كن اسكتش عملناه فى
الكليه
بس رائع
يا عبد
فى تقدم كبير فى طريقة الكتابه
انا كدا بسوط منك
الغى
Word Verification
لانه رخم
إيوه يا عم بقيت بتكتب إسكتشات
يا باشا واصله
جميله يا عم عبد الرحمن الله ينور
بس هيا فعلا لو تتعمل صوت او فيديو تبقى اوضح واجمل
ربنا يبارك فيم يا رب ويوفقك في الدراسه
ابقى اعملها مشهد انت وبودي وسعد تبقى تمام بكاميرا موبايل ونزلوها عاليوتيوب ولا حاجه
ربنا يكرمكم يا رب وخلينا نشوفك
اني أحبك في الله
جميلة جداااا
بس فى خطأ فى الالوان
الحتة بتاع سيادتهوالوفد المرافق له
اعتقد ان دى تبع الاخبار يعنى تبقى بالبنى
أولا أحب أنا يكون لي الشرف
إن مدونة إبن عمر تعلق عندي
جزاك الله كل خير على تعليقك
أخي
"إني أحبك في أخي الكريم"
دكتور حر
أنا فعلا بحس بإحراج علشان إنت دايما متابعني ..وبتعلق عندي من أول واحد
وأنا بتقل عليك قوي
فكرة جميلة
قابلة للنقاش معهما
أصل هما دماغهم ناشفة قوي..سعد وعبد الرحمن دول
شكرا على تعليقك
"والله لإني أحبك في الله أخي"
حور الجنة
شكرا على متابعتك
وجزيتي خيرا
ماشاء الله ...باين إن حضرتك عندك درجة إنتباه رائعة
جزاك الله خيرا
وشكرا على تعليقك عندي
تحياتي لك
فنااااااااااان
جديد الاسلوب ده وجميل جدا
ربنا يكرمك
أميرة محمد محمد محمد محمد
على فكرة
أنا فرحت لما شوفت تعليقك
جزيتي خيرا
وشكرا على تعليقك
شرفتينا
ازيك يا باشمهندس عبد الرحمن
انا جيت اسلم عليك واشكرك على الاهتمام الخاص بى وعلى فكره
قربت اسمع كلامك
ومسبش ام دبوه
حلو جدا الموضوع ده
ربنا يوحد صفوفنا ويفرج كرب المسلمين فى كل مكان
فرنسا
دا حقك يا فرنسا وما تسيبوهوش
يارب إشفيك يارب
يارب أتمم عليك الشفاء بسرعة
وجزاك الله خيرا على متابعتك لي
تحياتي لك
عاشقة الفردوس
جزاك الله خيرا على تعليقك
والحتة نورت بقدومك
وبإذن الله تكوني مشرفانا في المدونة على طول
المدونة نورت
تحياتي لك
قشطة
إيه الحلاوة دي
دا إنت طلعت مية مية
عاوزين نشوفك يا باشا
سلام
أخوك حالد أسامة
السلام عليكم
ماشاء الله
كلامك جميل جدا
ربنا يزيد ويبارك
وربنا ينفع بيك الأمة يارب
أستاذك ..ومعلمك
الأستاذ :ياسر القحطاني
قشطة!!!
مش إحنا قلنا إن قشطة إتجوزت وباقت في زمة راجل وبلاش نجيب في سيرتها
هههه
وحشتني يا خالد
فينك
تحياتي لك
أستاذي ....والله العظيم أنا لما شوفت التعليق ...كنت هموت من الفرح
يا جمااااااااعة
أستاذ ياسر ..دا كان أستاذي في المدرسة في السعودية من 4 سنين ولسة فاكرني
جزاك الله خيرا ..أستاذي
وشكرا على مرورك
تحياتي لك
وسلملي على الأساتذة الباقيين
والله ووحشتوني كلكم
أستاذ مسفر..وأستاذ خالد..وأستاذ علي ....وأستاذ حمد
سلملي عليهم كلهم
سلام
عارف اول مرة شوفت التداخل ده
كان عبارة عن اسكتش نفذه طلبة إبتدائى وعجبنى جدا جدا
:::::::::::::
زهراء
بجد موضوع جميل جداا وفهمتة جداا واقدر كمان اقولك اية الي مكان النقط الفاضية تسلم دماغك
ابقي زورني سلام
إرسال تعليق