إذا ذهبت إلى الشارع المصري ...وسألت أحد المارة عن ما يحدث في غزة...
خمن...هيقولك إيه....
بدل ما أنا أخمن قولت أجرب...روحت شارع كبير في المنصورة...
وسألت واحد شاب ماشي...قلتلو ..:لو سمحت ..ممكن كلمة...قالي إتفضل..
قولتلو ...حضرتك عارف إيه إلي بيحصل في غزة..؟؟؟؟
قام بصلي بصة غريبة تدل على إني مثلا ... واد بيستهبل عليه..بس لما شاف نظرتي ...
قال يجاوب أحسن...وياريته ما جاوب...
أنا فعلا إتصدمت...إتصدمت بمعنى الكلمة....
جاوب سعادته وسألني..."هو إنت من الإخوان؟؟؟؟"
أنا إتخضيت للسؤال ده...بس أدركت نفسي و قولتلو ..."وإيه إلي دخلهم في حديثنا دلوقتي..."
"كل ده وأنا ماعرفوش"
قام قال ... أصل هم إلي بيتابعوا الموضوع ..
سألتوا طب حضرتك مش عارف أي حاجة من إلي بيحصل في غزة...؟؟
قالي ؟..مممممم ..مش عارف ..بيقولوا"واخدين بالكم"إن في ناس بيموتوا...
قومت قولت في نفسي ..كفاية كدة علشان ما أتصدمشي كمان..
.......................
الذي يحصل صراحة من المصرييين ....والامبالاة التي في دمائهم ... شيئ يطرق له الجبين...
والشيئ الأفظع هم "حكومتنا"حطه إديها في مية ساقعة ولا كأن في حاجة خالص....
أنا حبيت أوصل الرسالة دي إلى كل شاب مسلم ..مش مصري بس..
إلى كل مسن مسلم ...إلى كل إمرأة مسلمة....
إلى كل مسلمي أوربا وأفريقا وأمريكا وآسيا ..
إلى كل بقاع الأرض التي تموج بالمسلمين
إلى كل عواصم العالم الإسلامي
................
"""(أيها المسلمون :يا من تمثلون مليارا ونصف مليار من تعداد العالم ، أيجوع إخوانكم وتشبعون ؟؟؟
إن هذا الشبع ذنب يعاقب الله عليه ،كان أسلافكم يفتحون الممالك ؛فافتحوا أنتم أيديكم . كانوا يرمون
أنفسهم في سبيل الله ...غير مكترثين؛فارموا أنتم في سبيل الحق الدنانير والدراهم ...
أيها المسلمون ..أيها المسلمون:ما كانت القبلة في الإسلام إلا لتعتاد الوجوه كلها أن تتحول إلى الجهة
الواحدة ...
وما كانت المآذن في الإسلام إلا ليعتاد المسلمون رفع صوت الحق ....
أيها المسلمون : كونوا هناك مع إخوانكم ،فكل ما يبذله المسلمون لفلسطين لع دلالات كتثيرة...
أقلها سياسة المقاومة..
وما كانت المآذن في الإسلام إلا ليعتاد المسلمون رفع صوت الحق ....
أيها المسلمون : كونوا هناك مع إخوانكم ،فكل ما يبذله المسلمون لفلسطين لع دلالات كتثيرة...
أقلها سياسة المقاومة..
ولو صام العالم الإسلامي كله يوما واحدا وبذل نفقات هذا اليوم الواحد لفلسطين لأغناها ..
لو صام المسلمون كلهم يوما واحدا لإعانة فلسطين ...
لقال النبي مفاخرا الأنبياء : هذه أمتي..هذه أمتي
لو صام المسلمون جميعا يوما واحدا لقال اليهود ما قاله آباؤهم من قبل
"إن فيها قوما جبارين "
أيها المسلمون:هذا موطن يزيد فيه معنى المال المبذول فبكون شيأ سماويا
كل قرش ..كل قرش ..يبذله المسلم لفلسطين يتكلم يوم القيامة فيقول...
يارب...يارب ...أنا إيمان فلان ..)"""
.......................
أقول في نهايتي حديثي ...يجب أن يتفاخر بنا الرسول أمام الأنبياء
يجب... فمدوا يد العون إلى فلسطين ...يمد الله يده إليكم وقت العسرة
أرجوا أنا يتقبل الله منا ومنكم أجمعين
وبإذن الله ستكون هناك سلسلة تدوينية بإسم ."بلا حدوود""
على المدونة
بإذن الله ستنال إعجابكم ...
وجزاكم الله عنا كل خير
تحياتي لكم
هناك 60 تعليقًا:
لا حول ولاقوة إلا بالله
أصبحت هموم الأمة تخصص.. أصبح ألم جزء من الجسد هم يسأل عنه بعض الناس دون بعض
جزيت خيرا يا مصري على كلاماتك المؤثرة وانطباعاتك الجيدة
وانه لشئ مؤسف حقا .عدم او اللامبالاة التي عليها بعض الناس
0فمن لم يهتم بأمر المسلمين فليس منهم )
ولقد تحدثت عن هذا الموضوع في مدونتي في البوست الاخير لي ..فشرفنا بزيارتك
الله يكرمك يا عبد الرحمن
فكرتني بيوم الشيخ يا سين ما استشهد
نزلت التاكسي
بقول الراجل تعرف الشيخ ياسين
قالي لا
طب تعرف حماس
قالي لا
طب تعرف فلسطين
قالي اه
قلتله طيب
في واحد كويس مات هناك
بس الحكومه مش حاطه ايدها في ميه بارده
هي كده شغاله تمام
بس مش لينا
تحياتي على الطرح المتميز
أنا برضك من رأي الدكتور
هيا مش حاطة ايدها في مية ساقعة ولا حاجة
..
دا هيا ما شاء الله عليها
في قلب المعركة
.
.
.
مع إسرائيل ضد إسرائيل
..
ومتهيألي انت سمعت تصريح أبو الغيط
باستنكار الإستخدام المفرط للقوة
أبو الغيط اللي كان عامل فيها عشر رجالة في بعض وهيقطعه كل رجل تعدي
..
يللا ربنا ياخدهم
..
جزاك الله خيرا
مؤسف حقا ما نحن فيه من حال
الله المستعان
اللهم انصر اخولننا المسلمين فى غزة وفى كل بلاد المسلمين ..............اّمين
لا يوجد لدى تعليق
بس دى فعلا الحقيقه
لو تحدثت عن رغيف العيش تبقى إإخوان
فمابالك لو تحدثت عن غزه
--------------
أما عن حكومتنا
ربنا معاها
بتتعب
اللهم أجرنا فى مصيبتنا
لا تعليق
وخاف على نفسك اصل اى حد بيتكلم دلوقتى فى حال بلده وعاوز يغير فيها يبقى مجرم ويتخاف منه
وياراجل ده حكومتنا حكومة نظيييييييييييف
الله المستعان
تحياتى ليك يامصرى
اشمعنا الاخوان ؟
طيب ما كل الناس بتبكى على غزه
هما اللى هناك
مش بنى ادمين ؟
ولا بيهموا الاخوان بس ؟
سؤال لصاحبك اللى سألته فى الشارع
عصفور المدينة
نورت المدونة ...
وشكرا على تعليقك
تحياتي لك
لا حلو ولا قوة الا بالله
انت فكرتني بكتاب الدكتور السرجاني عن قصة التتار
والله كان التاريخ بيعيد نفسه بالظبط
ربنا معنا ويردنا الى دينه ردا جميلا
تحياتي
الشعب محتاج توعيه
ما اظنش
الناس كلها عارفه الموضوع
بس هتلاقى مشكله اللى انته كنت بتكلمه
انه كان مكيف حيتين زياده
شارك فى حمله عمرو خالد
وروح فوقه
مع تحياتى
لا حول ولاقوة إلا بالله
فعلا دور مهم جدا وهوة تفعيل القضية
ونشرها بين الناس
بوست جامد والله أكبر ولله الحمد
وربنا يستعملنا لنصرة الإسلام والمسلمين
ودمت أخى بكل خير
عايز أتعلم
المدونة نورت يا فندم
وبإذن الله هروح أقرأ البوست
تحياتي لك
دكتور حر
الناس عاوزة واحد يصحيها
اه والله...مش واحد ينيمها أكتر
عموما..حكومة مين؟؟..أنا مش فاهم ...أنا قظدي على الحكومة المصري
تحياتي لك
other_things
بلال ..واحشني....
أبو الغيط مين يابا ...
نورت المدونة
as.zaid
سررت بمعرفتك أخي
تحياتي لك
أنا مسلمة
رغيف العيش....وغزة
مش تحسي إنهم كلمتين متشابهتين
هههه
الله على الظالم
تحياتي لمرورك الكريم
آخر العنقود
أنا خلاص لقبت بالمصري
هههه
قظدك حكومة نظييييييييييف ةةة
تحيا مصر
المدونة نورت
فرنسا هانم
سؤال وجيه...
فاتتني ....
أنا خوفت أتكلم كمان لينعتني ب انا إبن بن لادن
ياستي..
الناس دي سدة ودانها ومخاحها
تحياتي لكي
صاحب المضيفة
أنا قرأت الكتاب...لا..أنا سمعت السلسلة
فعلا كلامك صح
وما كنتش تدينا خبر إنك جاي...
علشان نفرش المدونة ب.ممممم
ورد
ههه
تيحاتي لك
حسام يحيا
إنتا بتشك في الواد إنه بيتعاطا
ههه
عموما أنا فعلا في الحقيقة مشارك في حملة عمر خالد
نورت المدونة يا أستاذ حسام
تحياتي لك
لا للسكوت
جزاكم الله خيرا على التعليق...
تخياتي لك
كتير من الناس بقة عندها لامبالاه فظيعة
وربنال يسترها فى الايام اللى جاية
تقبل مرورى
ahmed fala
أكيد لازم أقبل مرورك..
وياريت ما تكونشي ديآخر زيارة
تحياتي لمرورك الكريم
ايه ياعبد الرحمن باشا ده
ماشاء الله عليك
حسبنا الله ونعم الوكيل
الاخوان بس اللي متابعين
بس بجد بجد تدوينه هايله جدا
عاشقة الفردوس
المدونة نورت بوجودك....
وأنا عارف تقلان عليكم ومش بزوركم
بس أوعدك من الناردة ...هاخد مدونتك قراءة
ههههه
تحياتي لكي
تجربة _فى رأيى _ مثيرة
إنك تسأل حد كده فى الشارع
لكن الأكثر إثارة هو رد الأخ ده
طبيعى جدا لما يكون ده حال شبابنا ..يكون ده حال أمتنا
ربنا يتولانا
السلام عليكم
حالة اللامبالاة التي يعيشها شعبنا ما هي الا افرازات ترسبيت لديه من ذل وخضوع
أكتر حاجة عجبني
تصرفك
وتفكيرك انك تسال السؤال دا فجاة كدا
ربنا يحفظك يارب ويكثر من امثالك
فزلوكة
نورتي المدونة ....
يارب كون لشبابنا يارب...
تحياتي لكي
son's egypt
كلامك صحيح أخي...
وعموما المدونة نورت بوجودك هنا
تحياتي لمرورك الكريم
النجمة الصامدة
جزاكم الله خيرا ...
ويارب يستجيب لدعائك ...
تحياتي لكي
لا حول ولا قوة الا بالله
هل فلسطين اخواينة ولا ايه
فعلا للاسف حتى فيه جانب كثير من الملتزمين الغير اخوان
مش بيتابعوا احداث غزة وفلسطين ومش بيهتموا
وكمان فيه اللى بيفتخر انه مش بيدعيلهم فى الصلوات
مش افتخار بس يعنى بيصنفوا الشيخ ده اخوان او لا
اذا كان بيدعى لفلسطين او لا
حسبنا الله ونعم الوكيل
وغفر الله لنا
إمام الجيل
لا إله إلا الله
نورت المدونة ...أنا عارف إن أنا تقلان عليك...
بس سامحني
تحياتي لك..ودمتم طيبين
تعرف ياعبود انا لما قرات البوست بتاعك حسيت ان فى أمل ، طول مافى ناس فى سنك بتفكر التفكير ده يبقى ان شاء الله فى أمل ، تحية كبيرة لك على تصرفك الايجابى جداجدا ، وربنا يثبتك ياعبود ويبارك فيك وعايزين كتير من ده
فين بوستاتك ياباشا
متقولش مش فاضى الايام دى
ولا فاضى بس للعب الكوره
سلااام
السلام عليكم
اول زيارة ليك ياعبدالرحمن
بس بسم الله ماشاء الله
مدونة جيلة جدا ربنا يوفقك ياااااارب
وهو ده دورنا يا استاذ عبدالرحمن كدعاة وهو توعية الشباب فى المدارس والجامعات والشوارع
توعيه الشباب لما يحدث لارضنا واخواننا فى كل مكان
هو ده الا لازم نعمله وهو نشر القضية
هو ده الا واجب علينا اننا ننصح الشباب ونعلنها
قولها بعزة انا مع غزة
دمعتان
دمعة ألم
ودمعة حسره
لكن وجودك وكلماك يعطي الأمل
محبتي
Abd Al-Rahman
أخي عبدالرحمن ..كم سعدت عندما رأيتك هنا ضيفا عندي..
"ما تقوليش عوز تفاح والحجات دي...الأسعار غليت"
نورت المدونة أخ عبدالرحمن...
وجزاكم الله خيرا على هذه المجاملة ..
وبإذن الله مش هبطل ومش هسيب ومش هسافر..
تحياتي لك
Hosam Yahia حسام يحى
يا أخ حسام ..
براحة علينا شوية ...خليني آخد وقتي ولا إيه يعني..
عموما انا بإذن الله هحاول أكتب نهاية الأسبوع ده
تحياتي لك
النجم القادم
أهلا وسهلا بحضرتك معانا ..
المدونة نورت بوجودك ...
وجزاكم الله خيرا على تعليقك ...
أنا رايح أهو أشوف مدونة حضرتك
تحياتي لك
عبدالرحمن فارس
جزيت خيرا يا فارس ...
تحياتي لك
السلام عليكم
والله ياعبدو انت قابلت راجل معقول شوية
كويس انك ماقابلتش واحد قالك "هم الفلسطينين يستاهلوا اللي يحصل لهم"
او واحد تاني يقولك "ياعم كفاية اللي احنا فيه احنا ح نشيل همنا وهم غيرنا"
الناس فعلا محتاجة تفهم لان التغييب اللي حاصل ده مقصود وبفعل فاعل
جزاكم الله خيرا
ايه يابنى فين جديدك
الحمد لله إني ما قبلتش حد ضربني..أو بلغ عني..هههه
نورت المدونة ..
تحياتني لك
Hosam Yahia حسام يحى
أخ حسام ...حضرتك مستعجل ليه..
ههه
انا عندي إمتحانت شهرية الأسبوع ده..
أصبروا علي شوية..
ههه
تحياتي لك
وتنور المدونة في أي وقت
جزاكم الله خيرا يا عبد الرحمن
و جميل انك في وسط المدونة رغم انها كانت حماسية و ده جميل و الله
عملت واجبات عملية قابلة للتنفيذ
ربنا يعزك يا عبد الرحمن
الاول واحشني ياجدع صاحب في الدنيا
ثانيا
ربنا يكرمك علي البوست دة ويجازيك خير دة اكتر بوست اثر فيا من يوم مادخلت دنيا المدونين
ويارب يقدرنا ونعمل لاخواتنا في فلسطين اي حاجة نساعدهم بيها
المسلمين ما بقوش يهتم ببعض فى نطاق البلد الواحد
..فى نطاق الشارع الواحد ..
فى نطاق البيت الواحد
فنتوقع بعد ذلك اهتمامهم بالمسلمين فى بلد تانلى خالص فى فلسطين ولاا فى العراق ولا فى اى مكان تانى بيعذب فيه المسلمين
وما أكثرها من أماكن ؟
أخى ....جرح الأمة عميق ينزف بشدة .. يحتاج لجراحة طارئة والا ضاعت الأمة واستمر النزيف
عودة رشيدة لربها ودينها وأن يعلم المسلمون جيدا
أن من لم يهتم بأمر المسلمين فليس منهم
المسلمين جميعا فى أى مكان وفى أى زمان
جزاكم الله خيرا أخى على كلماتك المؤثرة التى أبكت القلب قبل أن تبكى العين
Nour-Gedeed
وجزاكم ....
وشكرا على تعليقك ...
تحياتي لكي
مشمش..
وإنتي كمان ...
وجزاكم الله خيرا ..
البوست أثر فينا كلنا وأولهمز أنا ..
عاوزين نشوفك ..ها ؟؟
تحياتي لكمي...
ودمتم
اللؤلؤة المكنونة
حضرتك فينك من زمان ..المدونة مشتاقة لتعليقاتك...
كلامك كله صحيح ..
وشكرا على مجيئك وتعليقك ..
نورتي المدونة ..
تحياتيل كي
هو حضرتك إخواااااااااااان؟؟؟؟؟؟؟؟
طيب
أنا هارد عليك هنا
أنا لما جيت المدونة قرأت التدوينة تانى
فاستغربت تانى من رد الأخ إللى سألته
واتنرفزت تانى من إجابته
بس
فسألت السؤال على سبيل السخرية من رده
لاأكثر ولاأقل
كده أنا جاوبت ع السؤال وعملت إللى عليا
وبعدين متخافشى بعنى
مش هبلغ
إحنا منكوا وعليكوا برضوه
انا فعلا إ‘تخضيت ...من السؤال ده ....ناس غريبة صحيح ....
ولما حضرتك سألتي السؤال لي ....
إتخضيت قولت إنك مخبرة ولا حاجة ..
هههه
د
يااااااااااااه ...حركت قلبى
على الرغم من صغر سنك الا ان دماغك بجد كبيره
احييك على تفهمك ووصولك لسن اكبر من سنك
وربنا يوفقك
وتصلح مصر
اختك سمسم
انا ضفتك للمفضله:)
بارك الله فيكم
انا سعيد اني زرت هذه المدونة الجميلة
وان شاء الله تتكرر
تحياتي
تتصدم ليه يا عبدالرحمن
عشان واحد ملهوش فى السياسة
طب ما فى 70 ميلون مصرى مش بيفهموا فى السياسة
عادى يابنى
والله يا عبد الرحمن الحكومة عملة الكلام بتاع الفقر علشان الشعب يتلهى فيها
بيقول عض يدى ولا تعض رغيفى
وشكراا ليك ومدونة هايلة
أخوك إخوانى حتى النخاع
http://ikhwangeeee.blogspot.com
نفسى أسألك سؤال متطفل شوية ..
هو شارع ايه اللى انت نزلت فيه ؟
يعنى من باب العلم بالمجهول :D
____________
وعلى فكرة يا عبد الرحمن
انت كان ممكن تقرب أكتر انزل الجامعة واتفرج على الشباب اللى هما ولا هنا
ربنا يهديهم ويهدينا يااارب
بوست جميل اوى
:)
إرسال تعليق