السلام عليكم
وصلي تاج من أخويا دكتور حر
دا أول تاج يوصلي من أول ما بدأت التدوين
فأنا فعلا فرحان
بس برده مكنتش عاوزه يجيلي الآن
دا أنا طيب وعلى نياتي
نبدأ؟
يلا.....
*****
لو مكنتش مصري بس عربي كانت هتبقى إيه نظرتك للمصريين
واللي بيحصل في مصر دلوقتي؟
والله هتكون نظرة إشفاق على المصريين
لأنهم ناس غلابة
وهتكون نظرة إحتقارلرؤساء البلد
علشان هم مش عارفين ينهضوا بيها
أنا بكلم من حيث إني مش مصري
وأنا هعيش على المثل"لولمأكن عربيا ..لودت أن أكون مصريا"
لو
كنت أوروبي أو غير مسلم بردو إيه نظرتك للعرب والمسلمين؟
كنت أوروبي أو غير مسلم بردو إيه نظرتك للعرب والمسلمين؟
هقول الحمد لله الذي هداني للإسلام قبل أن أرى المسلمين
وأبوس إيدي وش وضهر علشان خلاني مسلم
والمشكلةمش في الإسلام
المشكلة في المسلمين
زي ما قال أخونا عبدالرحمن عياش
لوقالولك إنت بقيت رئيس جمهورية هتعمل إيه؟
على فكرة..أنا من صغري كنت بحب أكون الرئيس .ليس المرؤوس
واسم النبي صايني وحارسني..أنا واد ذكي
أول حاجة هعملها ..هعمل زي ما عملت أمريكا أول ما دخلت العراق
هطلع المساجين..السياسيين.والإخوان من الحبس
تاني حاجة..هعدل الدستور طبعا..طبعا
تالت حاجة ..هعين تشكيلة الوزارة من الإخوان
رابع حاجة...أصلح إلي خربه سلفي
خامس حاجة أحاول أرضي الشعب
سادس حاجة ..وبعد ما الأمور تتصلح وتبقى التمام التمام
هتنازل عن الحكم
لوكان ينفع ترجع طفل تاني وتخليك طفل علطول هترجع؟ وليه؟
طبعا مش هرجع
أنا لما صدقت إن بقيت كبير
وأنا صغير إلي كان بيقولي ياصغير
كنت بهريه ضرب
لوإنت طبيب وعندك مريض ميؤوس من حالته أيهما تفضل إنك تصارحه بالوضع وتقوله كل شيء بأمر الله في الاخر
ولا تغرس فيه الامل لغاية لما يموت؟
أنا لو شوفتو واحد عاقل هصارحه
ولو مكنشي..هقول لعيلتوا
من الأخر..هغرس فيه الأمل
دا لو كنت دكتور بعيد الشر عني
لوسمح لك برؤية الرسول عليه الصلاة والسلام وإنك تقوله كلمة واحدة بس
أو جملة واحدة بس هتكون إيه؟
أنا أصلا هكون مصدوم
بس هقوله..أريد أن أكون رفيقك في الجنة
يارب ثبتنا على الحق
لو
خطبت واحدة أو اتخطبتي لواحد وأثناء الخطبة اكتشفت أو
خطبت واحدة أو اتخطبتي لواحد وأثناء الخطبة اكتشفت أو
اكتشفتي إن الطرف الآخر غير قادر على الإنجاب هيكون تصرفك إيه؟
أنا بحب العيال الصغييرين قوي
ممكن علشان ماما مجبتليش عيال صغيرين ألعب معاهم
بس أنا طبعا هتفهم الوضع علشان أنا طبعا هكون بحبها
وهيكون فيه حل
وإذا ما كنش
بلا خلفة...بلا قرف..لا عيال ووجع دماغ
كل ده علشان أكيد هكون بحبها
لوطلعت القمر هتكتب إيه عليه؟
أنا هكتب عليه حاجتين
أول حاجة ..هكتب النشيد الوطني بمصر..بلادي بلادي.......
تاني حاجة..هكتب لينك مدونتي علشان أكون مشهور على مستوى المجرات
لوكنا في عصر ازدهار الأندلس كنت تتخيل نفسك إزاي؟
حالنا طبعا هيكون أحسن من كدة بكتيييييييير
بس أنا أتخيل نفسي..لابس بالطو أبيض..وفي معمل..وقدامي حجات مش عارف إيه هية
وأشتغل فيها
لوأنا مررت التاج ده لحد وما جاوبش عليه أعمل فيه
هزعل طبعا
ولما هقابله ..هنزل فيه ضرب
طبعا بهزر ..دا أنا قلبي حنين
لو أحب أمرره أمرره لمين ؟
لأي حد عايزه وبالذات
ومضات...الدكتور أحمد الجعلي
التوأمان
what ever
البلد بلدنا
فلسطينية الهوى..مصرية الأض
واحد من الإخوان
شاب مصري
